Por fin chegou o gran día!...Esta mañá foi a estrea da nosa versión de Pedro e o Lobo. No auditorio non cabía un nen@ máis...E para todos nós foi un momento moi emocionante.
Van entrando no auditorio do conservatorio os nenos e nenas, acompañados polos seus mestres e mestras, dos colexios de Cruceiro de Canido, Unión Mugardesa e Esteiro.
O espectáculo vai a comezar...Iván crea distintos efectos coas luces...e por fin sae a escea Catuxa, a presentadora:
"Benvidos nenos e nenas, profesores e profesoras, ó auditorio do Conservatorio de Ferrol. Auditorio que nestes días convertirase nun bosque. O bosque onde xoga, corre, canta o noso amigo Pedro...".
Mentres, as pianistas agardando a súa presentación: "un gran aplauso para...Lidia". E tódolos nenos e nenas aplaudiron con entusiasmo..."un gran aplauso para...Alexandra". Máis e máis enérxicos aplausos..."O narrador que mellor conta Pedro e o Lobo...Lan". E segue aplaudindo con ilusión...Podemos comezar... E vai a presentadora e esquécese de chamar a Pedro; quen lembra que está alí co asubío da súa melodía favorita. Era Serxio, convertido esta semana en Pedro.
Desaparece do escenario Catuxa, e reina no auditorio o máis delicioso dos silencios: o instante previo ó comezo do conto musical.
"Un fermoso día, Pedro saíu da súa casa, abriu a cancela do seu xardín e dirixíuse ó verde bosque..."
Mañá continuamos o concerto...e a narración das sensacións vividas entre tódolos artistas e os nenos e nenas de Ferrolterra.
No hay comentarios:
Publicar un comentario